| Nutaarsiassat

Isumaqatigiinniarnernut tunngasut

AK-p iluani sulinermi akissaatit atukkallu pisortat suliffeqarfiinut atuuttut pillugit isu-maqatigiissutit nutarterniarneri/isumaqatigiissutiginiarneri, Namminersorlutik Oqar-tussani isumaqatigiinniartarfimmi sulisukinneq peqqutaatinneqarluni, assut sivis-unikuusut, tassami atuutilerfissaat 1. april 2015-imili immat, maanna kiisami tamarluin-nangajammik naammassineqarnikuupput taamaattorli annermik amigaataalluni ilinnia-rfeqarfinni ilinniartitsisut sulinerannut najoqqutassatut nutaamik isumaqatigiissutissaq (arbejdstidsaftale). Taanna sulisut kattuffiinit marlunnit tassalu AK-mit, ASG-mit (ilinni-agartuut kattuffiat) kiisalu Namminersorlutik Oqartussanit isumaqatigiissutigineqaruni atuutilertussaaniaraluarpoq taamaattorli suli isumaqatigiinniartunit suli atsioqatigiis-sutigineqarnikuunngilaq taamaattoqarneranullu peqqutaavoq ASG-mit AK-millumi taama siunnersuutigineqartutut isikkoqartillugu akuersaarneqarusunngimmat isumaqa-ramik maannamut isumaqatigiissummut atuuttumut ajorseriaateqassasoq. Namminer-sorlutik Oqartussani isumaqatigiinniartarfimmiit qisuariartoqarnissaa utaqqineqareer-luni, tassami AK-mit ASG-millu piumasarineqarnikuuvoq naapeqatigiinnikkut isu-maqatigiinngissutit eqqartorlugit aaqqinniarneqarnissaat pissasoq kiisami, kattuffiit suleqatigiittartut ataatsimoorussamik Namminersorlutik Oqartussanut qisuariaateqare-ernerisa kingorna, 7. marts 2018 tassunga sulinermi najoqqutassamut isumaqatigiinnia-rnernut tunngatillugu AK ASG-lu aggersarneqarsimapput.

Maannamut killiffik

Illua’tungeriit naapeqatigeeqqereernerisa kingorna isumaqatigiittoqarsinnaanngimmat tassa AK-p ASG-llu, ilinniarfeqarfinni ilinniartitsisut sulinerminni najoqqutassaannik nutaamik isumaqatiginninniuteqaraluarneq, ingerlaqqinneq ajulersimavoq maan-namullu suli isumaqatigiittoqanngilaq.

AK KTI-mi sinniisunut annertunerusumik paasissutissiilluni immikkut allakkamik nas-sitsinikuuvoq.

Upalungaarsimanermut pisortat

Isumaqatiginninniutigineqareertussaagaluartunut aamma ilaapput upalun-gaarsimanermut pisortat. Taakku isumaqatiginninniuttarnerat AK-mut 2016-imi ASG-p AK-llu akunnerminni killiliussamik isumaqatigiissuteqarneratigut utertinneqarsimavoq.

Taamaattumillu AK-mit isumaqatigiinniunneqarnissaannut piumasaqarnermik AK Namminersorlutik Oqartussat isumaqatiginninniartarfianut piumasaqareernikuuvoq. Pineqartut akissaataat sulinermilu atugaat pillugit nutaamik isumaqatigiinniutigi-neqarnissaat AK-mit arlaleriarluni eqqaasitsissutigineqartareeraluartoq illua’ tunger-isanit tamanna suli naammassineqanngilaq.

Mannamut killiffik

Taakkununnga tunngatillugu killiffiuvoq Namminersorlutik Oqartussat AK-mit saaffigi-neqaqqinnerat tuavisaarummik sukannersumik imalimmik allaffigineqarnerisigut.

AK upalungaarsimanermut pisortanut annertunerusumik paasissutissiilluni immikkut allakkamik nassitsinikuuvoq.

Namminersorlutik Oqartussat isumaqatigiinniartarfiata pitsaanngitsumik piffissami siv-isuumi (ukiut arlallit) ingerlanera kattuffiit suleqatigisartakkat peqatigalugit taama ingerlanerup kattuffinnut sunniuteqarnerluttarnera arlalippassuariarlugu apuunne-qartarnikuuvoq kingullermillu uani juni 2018-imi Aningaasaqarnermut Naalakkersui-sumik ataatsimeeqateqarnermi tamanna aamma apuunneqarluni soorngunalumi kat-tuffinnit tamanit ataatsimeeqateqarsimaneq kinguneqarluarumaartoq neriuutigi-neqarluni.

2019-imi isumaqatigiinniarnissat

Ukioq 2015-imi isumaqatigiinniarsimaneq ilaatigut suli naammassivinneqanngitsoq – qulaani eqqaaneqartut eqqarsaatigalugit – tassa isumaqatigiinniartoqaqqilereerpoq. Isumaqatiginninniutigineqartussat tassaapput isumaqatigiissutit makkuusut: Tjenes-temandinut taakkununngalu assingusunut isumaqatigiissutit, funktionsoverenskomst, upalungaarsimanermut pisortat, peqatigiiffik Kigutip isumaqatgiissutaa, Nakorsat Al-lattaasa isumaqatigiissutaat, piniarnermik aalisarnermillu nakkutilliinermik suliaqartut isumaqatigiissutaat kiisalu inunnik isumaginninnermi siunnersortit sullissisullu isu-maqatigiissutaat. Maanna pineqartut sinniisui/peqatigiiffiit siulittaasuitigoorlugit al-laffigineqaleruttorput isumaqatigiinniarnissanut piumasaqaatinik ilaasortanut katerse-qqullugit. Piumasaqaatinik katersat AK-mut apuunneqareersimanissaat 31. Oktober 2018 piumasarineqarpoq tamassuma kingorna AK-p siulersuisui isumaqatigiinniarnis-sanut piareersalissammata.

AK-mi sulisut ataatsimik ilanerat

AK-p ataatsimeersuarnerani september 2017-imi pisumi ataatsimeersuartunut innersu-ussutigineqarsimasoq AK-p inatsisilerituumik atorfinitsitsinissaa akuersaarneqar-

nikuusoq piviusunngortinniarlugu tusagassiorfitsigut allagarsiisoqarnikuugaluarpoq qinnuteqartoqarsimannginnerali pillugu kinguneqanngitsoortumik. Taamaattumik AK-p siulersuisui aaliangersimapput inatsisilerituutut ilinniarsimanngikkaluartumik ilaasor-tanik sullissisussamik pissarsiortoqassasoq. Maannalu nuannaarutigalugu nalunaaru-tigisinnaanngorparput 1. juni 2018 aallarnerfigalugu tusagassiortutut ilinniarsimasoq Mads Pedersen ilaasortanik sullissisutut atorfinitsinneqarmat. Maasip suleqatiginissaa qilanaaralugu tikilluaqquarput.

Uippakajaarnermik/stress-imik atugaqarlutik saaffiginnissuteqartartut amerli-artortut

AK-mit, kattuffiit allat maluginiarsimasaattut aamma, maluginiarneqarpoq ilaasortat stress-imik atugaqalersimallutik kattuffimmut saaffiginnittartut, ingammik ukiup kingul-liup ataatsip ingerlanerani, amerliartorneri. Taama atugaqalernerup peqqutigigaju-ppaa suliffimmi atukkat pitsaanngitsumik inissisimasarneri tassunga ilaalluni pitsaann-gitsumik aqunneqarneq. Kattuffiit suleqatigisartakkat tassalu IMAK, NPK, ASG kiisalu PPK peqatigalugit AK juni 2018-ip ingerlanerani taama atugaqartut saaffiginnittut amer-liartornerat ernumassuteqarnerminnik tusagassiuutinut nalunaaruteqarnikuupput. Taama atugaqartoqaleraluttuinnarnera ajuusaarnarpoq assut tassami taama eqqu-gaasunut kingunerluttaqimmat aammalu inuiaqatigiinnut akisulluni tassami kinguneri-gajummagu napparsimalluni sivisusinnaasumik sulinngittariaqartarneq ilaatigullu soraaginnartariaqartarneq.

Kattuffiit naatsorsuutigaat suli inuit amerlanerusut streess-imik atugaqaraluartut atugaqalernissaminnulluunniit qanittut taamaattumik ilaasortatsinnut kaammattuutige-rusunnarpoq taama nalaataqarunik nalaataqalersorigunilluunniit kattuffimminnut saaf-figinnittaqullugit – ikiorneqartarnissaat qulakkeerniarneqartassammat kiisalu ajornar-torsiutip taassuma qanoq annertutiginera qulaajarneqarsinnaaniassammat.

Aasaanerani sulinngiffeqarneq qaangiuteriarpat stress-imik atugaqarnerup ajornar-torsiutaaleraluttuinnartup AK-mit sammeqqinneqarnissaa naatsorsuutigineqassaaq.

AK-mit sineriammut angalasoqarnissaa

AK-p siulittaasuata sulisumik kiisalu AK-p eqqartuussissuserisut atortagaannit inatsisile-rituumik ataatsimik ajornanngikkaangat ilaqarluni kommunit qullersaqarfiinut angala-nissai ukiaq manna piniartussaapput. Ilaatigut aamma ajornanngippat illoqarfiit AK-mut sinniisoqanngitsut taamaattoqalersinniarlugit aamma tikinneqarsinnaajumaarput.

Angalanissamut siunertaapput ilaasortat tikillugit atatsimeeqatiginissaat tassunga ilaal-luni isumaqatigiinniarnissanut aggersunut piumasaqaatissanik eqqartueqatigiissin-naanissaq. Kommunit qullersaqarfii naapinniarneqassapput suleqatigiilluarnissaq anguniarlugu, soorlu arlaannik pisoqartillugu iliuuseqaqatigiipallattarnissaq imaluunni-it suliat ilaasortatsinnut tunngasut pisariaqanngitsumik annertusitinneqarpallaanngin-nissaat anguniartarniarlugu tassa pinaveersaartinneqarnissaat siunertaralugu.

AK-mi inatsisilerituumik oqaloqateqartarsinnaaneq

AK-miit ilaasortanut neqeroorutigineqarpoq inatsisilerituumik – kalaallisut qallunaatul-lu oqaaseqartuuvoq – pisariaqartitsineq naapertorlugu oqaloqateqartarsinnaaneq. Inatsisileritooq naapinneqarsinnaasassaaq ataasinngornikkut nal. 13.00-imiit 16.00-imut. Taama inatsisilerituumik oqaloqateqarniartut piffissami tassani inniminniisinnaa-pput Nuummi najugaqaraanni aggerlutik Nuup avataaniittut AK-mut sianerlutik oqara-suaatikkut oqaloqatigisinnaavaat.

Ilaasortagut ilaqutaallu tamaasa aasarsiorluarnissaannik kissaappagut.

Inussiarnersumik inuulluaqqusillunga
Dina Olsen
Atorfillit Kattuffianni siulittaasoq