| Nutaarsiassat

Kattuffimmut ilaasortaaneq imminut akilersinnaavoq.

Atorfillit Kattuffiata (AKp) kommunimi atorfilik (tjenestemandeq) soraarsitaaneranut tunngatillugu ikiorpaa. Soraarsitaanermut suliap saniatigut tjenestemandip akissarsiaanut tunngasunik imaqarpoq.

Atorfilik, ukiorpaalunni atorfeqarsimasoq, kommunimit soraarsitaavoq, pissusissanik malinnilluarnernik saneqqutsisimasuuneragaalluni. Pasilliutigineqartut atorfillip assortorpai. Atorfilik assortuigaluartoq kommunip suliffianit tunuartikkallarpaa killisiuiner-taqanngitsumik, aningaasarsiaalu unitsillugit. Kommuni taamaaliornermigut pissusissanik malinnilluarnermik saneqqutsisimanermut periusissat, atorfilinnut tunngatillugu inatsimmi malitassat, tassa soraarsitsinnginnermi killisiuinngitsoorami inatsit saneqqu-tiinnarlugit iliuuseqarpoq. Soraarsitsineq Atorfillit Kattuffianit uparuarneqaraluarpoq kiisalu atorfillit inatsisaat malinneqannginnerat aamma ilanngullugu uparuaraluarlugu. Taamaakkaluartoq kommunip aalajangiusimasani aalajangiusimaannarpaa, piumasaralugulu atorfillip akissarsiami ilai utertinneqarnissaa.

Atorfillit Kattuffiata Advokatfirmaet Meinel suliamut tunngatillugu illersuisussatut iki-ortiseraa. Suliassaq eqqartuussivimmi suliassatut tunniunneqarpoq, eqqunngitsumik tunngaveqarluni soraarsitsinermut tunngatillugu taarsiivigineqarnissamik piumasaqaatitalimmik, atorfilittut akissarsianik piginnaatitaaffinnillu taarsiivigineqarnissamik kiisalu utoqqalinersiassanut tunngatillugu piginnaatitaaffeqaqqilernissamik piumasaqa-atitalimmik. Suliap ingerlanerani Atorfillit Kattuffiata aamma paasivaa, atorfilik 2009-mi-illi akissarsiai appasippallaamik inissisimasimasut, isumaqatigiissutigisat tunngavigalu-git, aammattaaq Atorfillit Kattuffiata piumasaralugu akissarsiat nikingassutaat atorfilim-mut tunniunneqassasut.

Suliassaq eqqartuussivimmi suliarineqarami kommunip atorfilimmit piumasarineqartut akuerivai, taakkulu eqqartuussivimmi junip qaammataani 2014 isumaqatigiissutigineqarlutik. Isumaqatigiissutit piumasaqaatigisatut annertutigisut atorfilimmit piumasarineqartut isumaqatigiissutaapput, taamaassilluni atorfillip piumasaqaatai tamaasa pissarsiarineqarlutik. Angusat pissarsiarineqartut, utoqqalinersiassatullu piginnaatitaaffiit pilerseqqinneqarput, taamaassilluni ilaasortaq sinnerlugu Atorfillit Kattuffiata pissarsiat kativillugit 3.000.000 mio. kr.-nik annertussusillit pissarsiaralugit ilaasortamut tuttussat.