Kommunit kattussuunerisa kingunerisaanik, kommunini sulisut ilaat atorfigisami suliassagartitaavallaalersimapput.

Saaffiginnissutit tigusartakkavut tunngavigalugu, Kommunegarfik Sermersuup Nuummi qitiusumik allaffeqarfiani socialrådgiveritut atorfillit assersuuutigissavavut.

Socialrådgiverit nalinginnaasumik inunnik 50-it 60-illu akornanni amerlassuseqartunik sullissagarput. Taakkununnga ilaqutaasut ilanngukkaani, socialrådgiveri ataaseq inunnik 70-it 80-illu akornanni amerlassuseqartunik sullissagarpoq. Taakkua saniatigut illoqarfinni allani socialrådgivereqatiminnut siunnersortaallutik. Danmarkimi socilarådgiverit sullitaasa amerlassusissaat 35-inut killegartinnegarpoq.

Erseqqissarnegassaaq ajornartorsiut atorfinni allani aamma atugaammat.

Suliassagartitaavallaarneq, sulisunut nungullarsaataavoq, sivisuumik attannegarsinnaanngitsoq, napparsimakulalernermillu kingunegartartoq. Ilami allaat ilaasa stressimik nappaategalersimanerinik kingunegartalersimasoq.

Matumuuna Kommunegarfinni pisortat ilungersortumik kaammatussavakka, pissutsit atuutilersimasut sapinngisamik piaartumik iluarsiiviginegarnissaat isumageqqullugu.

Suliffeqarfik sulisoqanngikkuni ingerlasinnaanngilaq, taamaattumik sulisut suliffimminni ajunngitsunik atugassagartitaanissaat assortussutiginagu, 2011-mi suleqatigiissutigissagipput neriuutigaara.

Ikinngutinnersumik inuulluaqqusillunga.

Erik Hammeken

Siulittaasoq