| Foreningen Kigut

Ukioq ataaseq affarlu assortuussutigereerlugit ilaasortap tapitut pissarsiassai kingumut atuuttumik kiisami tunniunneqarput, tunniunneqarneranut Atorfillit Kattuffiata sullissinerata kingunerisaanik pissuteqarpoq, taamaassilluni uppernarsisillugu kattuffimmut ilaasortaaneq imminut akilersinnaasoq.

Kattuffimmut ilaasortaaneq nuannequteqarpoq ingammik inuk kisimiilluni soorlu Namminersorlutik Oqartussanut/Ingerlatamulluunniit angisuumut akiuunniaraani.

Suliamut tunngatillugu aqqut imannak ingerlavoq:

Ulloq 20. juni 2005 suliaq suliassatut tunniunneqarpoq taamaalillugu suliarineqalerluni.

Oktober 2006 qaammataani isumaqatiginninniartarfimmit neriorsuutigineqarpoq tapitut pissarsiassaq tunniunneqarsinnaasoq, taamaassilluni suliassaq pimoorullugu aallartilluni.

Ulloq 25. juni 2007 ulloralugu tuavisaarineq aallartippoq, ajoraluartumik tuavisaareqattaarneq sivisu-umik kinguneqanngilaq. 

Ulloq 28. juni 2007 ulloralugu tuavisaareqqinneq pivoq aamma tassani tuavisaarineq kinguneqanngi-tsoorpoq ajoraluartumik. 

Ulloq 13. juli 2007 ulloralugu tuavisaareqqittoqarpoq aamma tassani ajoraluartumik kinguneqanngitsumik. 

Ulloq 16. oktober 2007 ulloralugu tuavisaareqqittoqarpoq aamma tassani tuavisaarineq ajoraluartumik kinguneqanngilaq.

Ulloq 19. oktober 2007 ulloralugu suliamut tunngatillugu tuavisaareqqittoqarpoq ajoraluartumik aamma tuavisaarineq kinguneqanngilaq. 

Ulloq 20. november 2007 ulloralugu suliamut tunngatillugu tuavisaareqqittoqarpoq aamma tuavisaari-neq taanna kinguneqanngilaq. 

Ulloq 21. november 2007 ulloralugu tuavisaareqqittoqarpoq, tassani tuavisaarineq kinguneqarpoq. PD neriorsuivoq, 1. novemberf 2007 ulloralugu tapit iluarsiissutit tunniunneqassasut - kisianni AK-p piu-masani malartaaserluni aalajangiusimavai, tassa tapisiassat 1. august 2006-mit tunniunneqarnissaat.

December qaammataa 2007 ilaasortap tapimi iluarsiissutissai kingumut atuuttumik pissarsiarivai, tunni-unneqarneranut AK-p piumasaqaatai tunngavigalugu inerneqarpoq suliarlu ajugaassutaalluni, suliaq sivisuumik ingerlanikoq naammassimmat toqqorneqarpoq matuneqarlunilu.