| Foreningen Kigut

ajuusaarutigissavaralu siusinnerusukkut paasissutissiisinnaasimannginnama, piffissaaleqineq pissutigalugu.

Peqatigiiffik Kigut-ip siulersuisui ataatsimiinneranni aalajangiunneqarpoq, siulersuisut ataatsimiinnerini imaqarniliat Atorfillit Kattuffiata nittartagaanut Peqatigiiffik Kigut ataanut ilineqartalissasut, ilaasortanit atuarneqarsinnaanngorlugit, taamaalilluni ilaasortat malinaasinnnaanngorniassammata.

Tamanna Ak-p akuersaasimavaa, siullermik imaqarniliat kingulliit tallimat ilineqasssapput Ak piffissaqaleriaruni.
Kingusinnerusukkullu sinneri ikkunneqassallutik, nutserneqassallutillu.

OKT. 17-mi Styrelseschef peqqinnissaqarfimmi sulisut sinniisaanik ataatsimiititsimmat Peqatigiiffik Kigut Nuummilu kigutileriffimmi sulisut sinniisaat Aviaq Møller siullermeerluta peqataasimavugut. Assigiinngitsunik eqqartuisimavugut, qanorlu inissisimanerput aningaasarsiatigut. Taamatullu ataatsimiititsisarneq ukiumut marluk pingasoriarluni pisassasoq eqqaavaa,

tullianilu ataatsimiititsissalluni April 18-mi.

Isumaqatigiinniarneq tullissaa ukioq manna 2018-mi pisussaavoq, taamaattumik maannangaaq aningaasarsiatta qaffannissaannik siunnersuutinik nassiussisoqarlersinnaavoq. Nalunngisatsitut isumaqatigiinniarnermi kingullermi Klinikassistent-it aningaasarsiatigut katataasimaqisut skala-nik tallimanik qaffanneqarput taavalu konsulent-it aamma qaffanneqarlutik.

Siulersuisut ataatsimiinnerisa ilaani eqqartorneqarpoq Kigut-it isumaqatigiissutai isumaqatigiinniarnermi tullermi aaqqissuunneqassasut, torersarnerullugit.

Taavalu Kigutigissaasut aningaasarsiaat suliaminnut tulluukkunnarluinnarsimasut sorsuutigissallugit. Eqqaalaarusuppara aamma Dk-mi Tandplejer-inngorniartut kalaallit arlaqarmata. Ullumikkut Dk-mi Tandplejerritut atuartut ( Bacheloruddannelse på 3 ½ år ) taamaattumik naammassigaangamik Kalaallit Nunaatnut utersinnaanngillat aningaarsarsiat tulluutinngimmata, tamakku ilaatigut isumaqatigiinniarnermi tullissaani sorsuutigisussaassapput. Nuannaarutigisatinnik Peqatigiiffik Kigut qarasaasiamik angallattakkammik pisaarnikuuvoq,

Ak-mut qinnuteqarnitsigut.

Peqatigiiffik Kigut ataatsimeersuaareernerata kingorna siulersuisut ukuulernikuupput:

  • Siulittaasoq: Lene Heilmann Kig. Nuuk
  • Siulittaasup tullia: Ruth Mathæussen. Ka. Nuuk
  • Siulersuisunut ilaasortaq: Bia A. Broberg. Kig . Qeqertarsuaq
  • Siulersuisunut ilaasortaq: Henriette Olsen. Tandtekniker. Sisimiut
  • Siulersuisunut ilaasortaq: Rosa Brandt. Ka. Aasiaat

Eqqaalarusupparput Peqatigiiffik Kigut Nuummi angerlarsimaffeqarmat taamaattumik Siulittaasut Nuumminngaaneersut inissinneqarsimapput.

Naggataagut naatsorsuutigaarput ilaasortanut paasissutissanik nassiussisarumaarluta.

Taava Ka, Kig, Tandtekn- mut ilinniarnikut, sulisut nutaat Ak-mut ilaasortanngorusuttut Kaammattorumavagut ilaasortanngoqqullugit.

Inussiarnersumik inuulluaqqusillunga
Peqatigiiffik Kigut sinnerlugu siulittaasoq.

Lene Heilmann